Ngadusi

KERSANÉ Pengèran, Kapèr dadi wong sugih. Adaté wong sugih, nang umahé ana pembantuné. Salah siji dina, wayah awan, bojoné Kapèr pan mangkat arisan. Maring pembantuné, Dariyah, dèwèké wanta-wanti. “Nyonyah pan lunga, ana urusan. Bocah-bocah diadusi kabèh, tolih jogan- jogan disaponi Yah, bèn katon kinclong. Paham Nyonyah ngomong?” omongé bojoné Kapèr nganggo sebutan Nyonyah kedingan. Gaya uluné nemen. “Paham Nyah!” jawabé si Dariyah.
Bojoné Kapèr latan ngloyor, metu njaba. Mbak sripit ambu sandangané wangi nemen. Dèwèké nganggo kacamata
ribèn lan numpak motor kinclong-kinclong sing tembé dituku. Pokoké, bojoné Kapèr katon okèm banget. Gaya uluné por-poran. Wayah soré teka, bojoné Kapèr, balik umah. Tapi antiné bojoné Kapr sèwot nemen waktu weruh bocah-bocah during pada diadusi. “Kowen dongé kerjané apa Yah? Waktu pan lunga, Nyonyah kan wis ngomong karo kowen, bocah-bocah diadusi kabèh. Bisané nganti pan sèndakala durung diadusi? Gobogé kowen budeg apa pimèn sih?” sruwang bojoné Kapèr kambèn matané mendelik. “Anu, Nya . . . . Éh . . . maaf Nyonya. Enyong blèh sempet ngadusi bocah-
bocah” semauré Dariyah. “Bisané?” “Sebab Tuan Kapèr maksa enyong kon ngadusi!”

KOPI KUCING

KOPI KUCING

 

Sawijining dina Setro Mino namu nang omahe Setro Njingik.
Dheweke diwein kopi karo Setro Njingik. ngertine kopine enak nemen
soale Setro Njingik ngalem marang kopi sing diwein
Setro Mino terus nyruput kopine soale penasaran karo rasane.

Setro Mino:
 kie kopi apa? daning rasane rada kecut?

Setro Njingik:
Kuwe kopi istimewa, eben padha karo kopi luwak sing larang kae

Setro Mino:
Woo kaya kuwe, kopi apa namane?

Setro Njingik :
Kopi kucing, aku gawe dewek

Setro Mino:
Gaweanmu dewek , apa sebabe diarani kopi kucing?

Setro Njingik:
Sebabe diolah lewat kucing. Yen kopi luwak kopine dipangan luwak ndisit sedurungne diolah, kopi kucing dipangan kucing sedurunge diolah dadi kopi bubuk. Aku pancen terinspirasi kopi luwak, eben gampang aku nanggo kucing bae.

Setro Mino:
Kucing doyan kopi?

Setro Njingik:
Ya ora lah. Kopine tak gerus rada kasar, trus tak campur gesek, bar kuwe tak pakakna kucing.

Setro Mino (wetenge mulai mules) :
Terus...

Setro Njingik:
Mengko yen wis metu bareng kotoran kucing terus gerusan kopi disaring, dikumbah, dipepe anjog garing terus digiling maning nganti alus. Lha kie owen sing pertama nyoba kopi kucing loh, wong durung ana sing tau diwein kopi kucing. Aku dewek pan nyoba ora wani jal . Pimen mas, enak ora rasane?

Setro Mino:
Hoeeeeeekkkk! Hoeeeekkkkk! (Undil - 2012)

tags: blog bahasa jawa, cerita bahasa jawa, cerita lucu basa jawa

Diposting oleh undil di 1/21/2012 06:22:00 PM 0 komentar Link ke posting ini

TEGAL LAKA-LAKA